Коприва како храна и лек

Копривата содржи високи концентрации на магнезиум, железо, калциум, фосфор, манган, калиум, натриум, сулфур и силициум,витамин Ц, ета каротин,витамини од Б групата.

Копривата (Urtica dioica) не е само коров, туку е и идеална храна, една од најважните, најздравите и најхранливи бесплатни намирници кои можете да ги најдете. За многумина се предизвик бидејќи журкаат, но доволно е само да го попарите растението со врела вода и боцкавиот ефект на копривата ќе исчезне.

Сушената коприва може да се чува и складира за употреба во текот на целата зима. Може и да се исчисти и да се замрзне. Се собира со ракавици, и тоа се собираат само младите листови и врвовите од билката. Потоа се измива и се готви на тивок оган, исто како кога се приготвува спанаќ.

Многу луѓе уживаат во допирот на копривите

Копривата содржи високи концентрации на магнезиум, железо, калциум, фосфор, манган, калиум, натриум, сулфур и силициум,витамин Ц, бета каротин, витамини од Б групата. Во минатото (ретко денес) копривата се користела и во лекувањето на артритис и реума.

Верувале или не, многу луѓе уживаат во допирот на копривите, само поради повратната стимулација! Тоа можеби е така затоа што копривите содржат неколку хемикалии (како ацетилколин или серотонинот), кои се природни мозочни материи и придонесуваат за чувство на благосостојба.

Kопривите се едни од најкорисните растенија и со право го носат епитетот чудо од растение, кое истовремено е и храна и лек. Во продолжение ви предлагаме неколку начини како да ги употребите копривите во исхраната.

Коприва како храна и лек

Зелена каша

Потребни состојки (за 4 лица): 250 г млада коприва, 350 г фета сирење, 1 голем кромид, 4 чeшниња лук, големо парче ѓумбир, 2 супени лажици сончогледово масло, 1 лажица маслиново масло, 1/2 лажичка семе од ким, 1 / 4 лажичка цимет, 1 лажица семе од коријандер, 1 лажичка црн пипер, сол, 2 дл полномасен јогурт.

Подготовка: Во солената вода сварете ги копривите, извадете ги и оставете да се исцедат. Во блендер испасирајте ги лукот, кромидот и ѓумбирот за да добиете паста. На загреано масло на умерена температура од две до три минути со повремено мешање пропржете ја пастата. Додајте семе од ким и коријандер, како и цимет, па пржете уште една минута. Кога целосно ќе се исцедат од водата, копривите испасирајте ги во блендери и ставете ги во претходно пропржената смеса, додадете сол и црн пипер, промешајте и пржете две до три минути. Сирењето фета исечкајте го на коцки и во тавче со маслиново масло пропржете неколку секунди само да се зарумени, потоа сервирајте во чинија и преку него додадете ја смесата со копривите. Потоа додадете малку јогурт, промешајте и јадете додека е топло.

Пролетна пита

Потребни состојки: 1 кг млада коприва, 1/2 кг компири, 8 кори за пита, 2 дл кисела павлака, 1 дл масло и црн пипер по вкус.

Подготовка: Исчистете ги лисјата од коприва и сварете ги во солена вода. Исцедете ги и исечете ги, (не мора да бидат ситно сечкани). Излупете ги компирите и исечете ги на четвртини, сварете ги, а потоа направете пире. Измешајте ги компирите и сечканата коприва, додајте ја павлаката и зачинете со сол и црн пипер. Покријте го дното на плехот за печење со хартија, подмачкајте со малку масло и ставете две кори една врз друга, рамномерно распоредете ја мешавината над нив, а потоа повторно наредете ред кори, ред смеса, до последната кора. Истурете 1 дл масло и печете во рерна на 180 степени околу 45 минути.

Пикантна чорба

Потребни состојки: 1 кг млада коприва, 2 лажици пченкарно брашно, 1 дл масло, 1 јајце, 1 кафена лажичка рен, 1 чаша павлака, 1 лажица црвен пипер, 1 главица од кромид, сол по вкус.

Подготовка: Врвовите на младата коприва, измијте ги и провријте во солена вода, потоа исцедете ги и исечете или испасирајте ги во блендер. Во тенџерето каде што ќе ја подготвувате супата, загрејте масло и запржете сечкан кромид, додадете две супени лажици пченкарно брашно (за проја), а потоа накратко пропржете го и него. Истурете го црвениот пипер, добро промешајте, ставете ја копривата и промешајте повторно, истурете околу 2 литри вода, посолете и варете 15 минути на умерена температура. Отстранете од шпоретот, додадете го ренот и изматената жолчка од јајце. Послужете веднаш додека е жешко, додадете една лажица кисела павлака.

Коприва во тесто

Потребни состојки: 30-40 листови коприва, 150 г брашно, 2 јајца, 1 жолчка, 150 мл црвено вино, 1 лажичка масло, 1 лажичка сол, масло за пржење.

Подготовка: Листовите од копривата измијте ги и исцедете ги на кујнска хартија. Изматете ги јајцата со масло, сол и вино, додадете го брашното и сета смеса изедначете ја. Листовите од копривата извалкајте ги во смесата и оставете да отстојат 5 минути. На загреано масло да се пропржат од двете страни додека не добијат убава кафеаво-жолта боја. Со решетка лажица ги вадиме листовите и ги оставаме да се исцедат од маслото. Се служат топли со сирење и јогурт.

Палачинки со коприва и туна

Потребни состојки: 100 г скроб ,100 г меко пченично брашно, 2 јајца, 200 мл млеко, 200 мл кисела вода, пола прашок за печиво, две лажици масло, сол, две конзерви туна, половина килограм млади коприви, половина праз, 50 г путер и сол.

Подготовка: Исчистете ги копривите (се разбира, со ракавици), измијте ги и накратко бланширајте 3-4 минути. Исцедете ги, прелијте со ладна вода и исечете ги. Оставете 3-4 лажички коприви за тестото, а остатокот да се посоли и пропржи со празот. Потоа додадете путер, сол и исцедената туна од конзерва. Изматете ги јајцата и додајте го брашното и 100 мл млеко, комбинирајте и додајте го скробот и прашокот за печење. Додадете уште 100 мл млеко, кисела вода и масло. Во блендер, измешајте го остатокот од копривите и малку мешавина од палачинки и додадете го во главната мешавина. Оставете да отстои 20 минути. Испржените палачинки филувајте ги со подготвената смеса од коприви, праз и туна.

About Post Author