Му ја скршиле главата бидејќи пријавил дрвокрадци

70-годишниот Јосе Петров од струмичкото село Градашорци по нападот од
непознати сторители едвај останал жив, бидејќи пријавил кај надлежните органи нелегална сеча на
огревно дрво во неговиот имот.
Јосе Петров при враќање од пчеларникоткој му се наоѓал во селото Варварица, од
двајца негови пријатели бил
информиран дека во неговата семејна
корија имало дрвокрадци со три запрежни возила кои му ги сечат дрвата. Вознемирен тој веднаш му
се јавил на неговиот брат за да ја информира и повика шумската и цивилната
полиција, без притоа да претпостави дека бил следен од неколку лица кои најверојатно биле
во спрега со дрвокрадците.
Откако дрвокрадците чуле дека
се алармирани надлежните и дека се
чека да пристигнат на лице мсто,
од заседа го нападнале и му нанеле
тешки телесни повреди.

„Се појавија три лица кои не ги познавам. Почнаа да викаат по мене, кој
си бе ти да не пријавуваш во полиција. Еден зеде дрво и ме тресна по глава. Од
ударот паднав а другите удираа по моето тело. Пријателите се обидуваа да ги
оттурнат од мене но беа разулавени и нон стоп ме тепаа, а јас целиот бликав
крв“, изјавил Петров за порталот СДК.мк, при што по неговото тело јасно биле видливи трагите од ударите со дрво, како и повредата на главата
каде бил шиен со 15 конци.

Од струмичката полиција го потврдија инцидентот и по сослушувањето на сведоците
и прибраните изјави од Јосе и неговите пријатели, набрзо го откриле идентитетот на
насилниците.

„Сторителите се откриени и по целосно комплетирање на случајот против
нив ќе бидат поднесени пријави за физички напад“, информираа од СВР Струмица

Огорчен Јосе Петров
вели дека во атарот на селото Варварица постојано има дрвокрадци, кои место на официјалните сечишта ги сечат дрвата од локациите кои се
во приватна сопственост или пак се забранети од шумското стопанство.

(Фото: СДК.МК)